രണ്ടാം ടേമിലെ ആദ്യ വിദേശ യാത്രയില്‍ നിക്ഷേപ കരാറില്‍ ഒപ്പുവയ്ക്കുന്നതിനായി മേയ് മാസത്തില്‍ തന്നെ സൗദി അറേബ്യ സന്ദര്‍ശിക്കുമെന്ന് ട്രംപ് തിങ്കളാഴ്ച വ്യക്തമാക്കിയിരുന്നു. ഇതോടൊപ്പം ഖത്തറിലും സന്ദര്‍ശനം നടത്താന്‍ പദ്ധതിയിട്ടിട്ടുണ്ട്. 2017ല്‍ തുടങ്ങിയ ട്രംപിന്റെ ആദ്യ ടേമിലെ ആദ്യ വിദേശ യാത്രയും സൗദി അറേബ്യയിലേക്കായിരുന്നു.
സൈനിക ഉപകരണങ്ങള്‍ വാങ്ങുന്നത് ഉള്‍പ്പെടെ യുഎസ് സമ്പദ്വ്യവസ്ഥയില്‍ 1 ട്രില്യണ്‍ ഡോളറിലധികം നിക്ഷേപിക്കുന്നതിനുള്ള ഒരു കരാറില്‍ ഒപ്പുവയ്ക്കുക എന്നതായിരിക്കും തന്‍റെ സൗദി അറേബ്യന്‍ സന്ദര്‍ശനത്തിന്‍റെ പ്രധാന ലക്ഷ്യമെന്ന് ട്രംപ് പറഞ്ഞു. ഖത്തറിലും യുഎഇയിലും സമാനമായ കരാറുകളില്‍ ഒപ്പുവയ്ക്കുമെന്ന് അദ്ദേഹം സൂചന നല്‍കി. ജിസിസി രാജ്യങ്ങളിലെ സന്ദര്‍ശനത്തില്‍ യുക്രയ്ന്‍ ~ റഷ്യ യുദ്ധവും ഗാസയിലെ യുദ്ധവും ചര്‍ച്ചയാകും.
കഴിഞ്ഞ ആഴ്ച, ട്രംപ് തന്‍റെ ഭരണകൂടം തന്‍റെ ആദ്യ ഭരണകാലത്ത് ഇസ്രായേലും ചില ഗള്‍ഫ് രാജ്യങ്ങളും തമ്മില്‍ ചര്‍ച്ച ചെയ്ത സാധാരണവല്‍ക്കരണ കരാറുകളുടെ പരമ്പരയായ അബ്രഹാം കരാറുകളില്‍ കൂടുതല്‍ രാജ്യങ്ങളെ ചേര്‍ക്കുമെന്ന് പ്രതിജ്ഞയെടുത്തിരുന്നു.
കൂടുതല്‍ രാജ്യങ്ങള്‍ യുഎസുമായി കരാറുകളില്‍ ചേരാന്‍ ആഗ്രഹിക്കുന്നുവെന്ന് ട്രംപ് പറഞ്ഞു. കരാറുകളില്‍ സൗദി അറേബ്യ പങ്കാളിയാകുമെന്നാണ് വൈറ്റ് ഹൗസിന്‍റെ പ്രതീക്ഷയെങ്കിലും ഗാസയില്‍ ഇസ്രായേല്‍ നടത്തുന്ന യുദ്ധം മൂലം സൗദി മറിച്ചൊരു തീരുമാനമെടുക്കുമോ എന്ന ആശങ്കയും യു എസിനുണ്ട്.
Comments: